Трчањето маратон може да го продолжи животот, да го намали крвниот притисок и да ги зајакне артериите, дури и кога трчате на средна или подоцнежна возраст, тврдат научниците цитирани од Ројтерс.
„Очигледно никогаш не е доцна“, рече Шарлот Манисти, од Универзитетскиот колеџ во Лондон, еден од водачите на студијата.
Тоа покажува дека најголеми здравствени придобивки имаат постарите мажи со висок крвен притисок кои трчаат побавно. Сепак, сè уште не е јасно зошто е таков случајот за нив, пренесе БТА.
Истражувачите испитале 138 учесници во Лондонскиот маратон во 2016 и 2017 година, кои го трчале за прв пат. Тие во просек се 37 години, 49% мажи и не трчале повеќе од 2 часа неделно пред студијата.
Просечното време на трчање маратон на крајот на студијата било 5,4 часа за жени и 4,5 часа за мажи. Научниците ги испитале учесниците пред и по трчањето од 42 км за да го утврдат ефектот врз артериите.
Студијата покажува дека ефектите од стареењето на крвните садови може да се избришат со трчање во рок од 6 месеци, вели Манисти.