Славица Ангелова од Струмица победи во финалето на „Ѕвездите на Гранд“. Нањстапи со песната „Угаси ме“ од Парни Ваљак, со која ги освои и публиката и жирито. Со 88367 гласови се најде пред второпласираниот Драган Ѓуриќ чиј ментор беше Цеца и кој освои 71.747 од гласовите.
„Пред сѐ благодарам на сите што гласаа за мене. Огромно благодарам и на мојот ментор Ѓорге Давид кој несебично се вложи во сите нас, не само во мене. Навистина сум фрапирана и ова реално не го очекував“, рече Славица.
И нејзиниот ментор Ѓорѓе Давид по победата на Славица беше во транс.
„Славица е филигран која од втор план влезе и направи сериозна приказа. Имавме некои емотивни проблеми во текот на натпреварот, но се разбуди на време, рече Давид.
Со оваа победа, Славица ја доби статутеката Ѕвезда на Гранд, но и договор со продукцијата која застанува зад неа. Славица доби и песна, спот, а ѝ беше подарен и автомобил „Фиат Типо“.
