Започнува со тестирањето на вакцината против коронавирус во форма на таблети, која може да има голем број на предности. Вакцината против ковид-19 во форма на таблети треба да ја започне првата фаза на клинички испитувања за неколку месеци.
Оравакс рече дека се надева дека ќе започне клиничко тестирање на нивната вакцина во форма на апчиња до јуни. Оравакс е заеднички проект на израелско-американската компанија Орамед и индиската Премас биотехн.
Големи предности
Предностите на оралните вакцини се полесна администрација, побрзо производство и поедноставна дистрибуција.
Имено, вакцината против ковид-19 во форма на таблети може да ја земаат луѓе сами дома, да ја превезуваат во обични фрижидери и да ја чуваат на собна температура. Дополнително, полесно ќе се примени на оние луѓе кои се плашат од вакцинирање или игли.
Засега нема јавно објавени податоци за тестирањето на оваа вакцина досега.
„Резултатите од тестовите врз животни се охрабрувачки“, изјави д-р Пол Хантер од Универзитетот во Источна Англија за Бизнис Инсајдер.
“Но, треба да бидеме внимателни. Охрабрувачките резултати од тестови на животни не значат дека тие можат да се реплицираат кај луѓе, потребни се клинички испитувања”, додаде тој.
Кон крајот на 2020 година, Ваксарт објави добри резултати од тестирањето на својата орална вакцина за корона врз животни, но првите испитувања врз луѓе беа разочарувачки.
Различни фази на тестирање
Тестирање на вакцина или лек во лабораторија или животни е најраната фаза на развој на вакцините.
За да биде одобрена, вакцината мора да помине низ три фази на клинички испитувања или тестирање врз луѓе. Во првата фаза, мал број испитаници учествуваат, обично помеѓу 20 и 100 и тоа одредува прелиминарна проценка на безбедноста и ефикасноста на вакцината.
Во втората фаза, ефикасноста на вакцината се тестира на голем број испитаници, обично помеѓу 50 и 300, и се анализираат различни методи на имунизација, односно администрација на дози.
Третата фаза вклучува најголем број учесници од стотици до десетици илјади, во зависност од болеста за која се развива лекот или вакцината.
