Три украински беспилотни чамци се обидоа да ги нападнат патролните бродови „Сергеј Котов“ и „Васили Биков“ во Црното Море, 340 километри југозападно од Севастопол, соопшти руското Министерство за одбрана.
Руски патролни бродови уништија три украински беспилотни чамци кои се обидоа да ги нападнат во Црното Море, 340 километри југозападно од Севастопол, соопшти руското Министерство за одбрана.
„Вооружените сили на Украина синоќа неуспешно се обидоа со три чамци без екипаж да ги нападнат патролните бродови „Сергеј Котов“ и „Васили Биков“ на Црноморската флота. Руски бродови ја контролираа пловидбата во југозападниот дел на Црното Море, 340 километри југозападно од Севастопол. При одбивањето на нападот, сите три непријателски беспилотни пловила се уништени со оган од стандардното оружје на руските бродови“ – се наведува во соопштението.
Украина минатата недела за прв пат јавно го претстави својот нов поморски дрон, во обид да ги ограничи операциите на руската флота во Црното Море.
