Американскиот план за мир на Блискиот исток, презентиран од претседателот Доналд Трамп, наиде на различни меѓународни, арапски и регионални позиции, почнувајќи од спротивставување до поддршка, и повикува планот да биде внимателно разгледан пред да се осудува.
Владата на Република Македонија ги поздравува екстензивните напори на САД под лидерство на претседателот Трамп, рефлектирани во неговиот план за решавање на израелско – палестинскиот конфликт.
Статус квото не е одржливо; изразуваме надеж дека преку преговори ќе може да се дојде до долгопосакуваното решение за две држави, базирано на визијата за мир на Блискиот Исток.
Ги повикуваме лидерите на Израелците и на Палестинците да го искористат овој моментум и да демонстрираат јасна посветеност за постигнување на решение по пат на преговори за овој долготраен конфликт, стои во соопштението на владата.
Турција го смета американскиот т.н. мировниот план е „мртвороден“ и има за цел убиство на решението меѓу две држави, истакнувајќи дека палестинскиот народ и земјата не можат да се купат со пари.
Иран рече дека „срамниот план наметнат на Палестинците е предавство на вековите и е осуден на неуспех“, изразувајќи ја својата подготвеност да ги остават настрана несогласувањата и да соработуваат тесно со сите земји во регионот за да се спротивстават на „заговорот на Трамп“.
Министерот за надворешни работи на Јордан Ајман Сафади рече дека воспоставувањето независна палестинска држава во границите од 1967 година и со Источен Ерусалим како нејзин главен град е единствениот начин за постигнување сеопфатен и траен мир на Блискиот исток.
Министерството за надворешни работи на Катар соопшти дека ги цени напорите на САД за изнаоѓање решение за арапско-израелскиот конфликт „сè додека е во рамките на меѓународниот легитимитет“.
Министерството за надворешни работи на Саудиска Арабија ги пофали напорите на претседателот Трамп за постигнување мир меѓу Палестинците и Израелците, додавајќи дека тој се залага за директни преговори спонзорирани од САД за да се постигне правично и целосно решение и да се отстранат сите несогласувања околу планот.
Египетското Министерство за надворешни работи ги повика Израелците и Палестинците внимателно да ја проучат американската визија за мир, да ги земат предвид сите нејзини димензии и да го отворат патот за дијалог за да продолжат преговорите под покровителство на САД.
Амбасадорот на Обединетите Арапски Емирати (ОАЕ) во Вашингтон Јусеф ал-Отаиба рече дека ОАЕ ги ценат тековните напори на САД за постигнување на палестинско-израелски мировен договор и дека планот е сериозна иницијатива за решавање на многу истакнати прашања.
Премиерот на Велика Британија, Борис Џонсон го поздрави планот на Трамп.
Франција го поздрави американскиот план и рече дека ќе го проучи детално. Таа истакна дека секој мировен план на Блискиот исток мора да биде во согласност со меѓународното право и меѓународно договорените стандарди.
Стефан Дујариќ, портпарол на генералниот секретар на Обединетите нации, во Њујорк изјави дека ставот на ООН за мировниот процес на Блискиот исток е дефиниран со релевантни резолуции на Советот за безбедност и Генералното собрание, без разлика дали станува збор за имигрантски населби или Ерусалим.
Кога станува збор за Европската унија, овој блок верува дека иницијативата за мир на САД дава можност за повторно воспоставување на напорите за преговори за постигнување одржливо решение.
Русија ги повика Израелците и Палестинците да преговараат директно за изнаоѓање „заемно прифатлив компромис“.
Рускиот министер за надворешни работи Михаил Богданов изјави дека „планот на Трамп е една од иницијативите, но не знаеме дали предлогот на САД е взаемно прифатлив или не“.
Рускиот министер за надворешни работи Сергеј Лавров изјави пред објавувањето на планот дека деталите што излегоа на „стогодишниот договор“ сугерираат дека станува збор за спогодба различна од онаа меѓународно признаена и дека американскиот план прво мора да биде оценет од Палестинците и Израелците.
Германското Министерство за надворешни работи смета дека предлогот на САД за мир на Блискиот исток покренува прашања за кои сега ќе разговара со партнерите во Европската унија.
