Две експериментални вакцини за новиот коронавирус, изработени од научници во рускиот државен центар за истражување на векторот за вирус и биотехнологија, ќе бидат тестирани во јуни, објави денеска сибирскиот огранок на Руската академија на науките.
– Ние развиваме две вакцини, нивните прототипови треба да бидат тестирани во јуни – рече генералниот директор Ринат Максутов, пренесува Тас.
Според него, Вектор веќе создаде два дијагностички комплети за новиот коронавирус.
Патем, Кинескиот центар за контрола и превенција на заразни болести, исто така, започна да развива нов вид вакцина против вирусот 2019-nCoV, што предизвикува пневмонија.
Досега 80 лица починале од коронавируси, додека 2.700 се разболеле.
Туристи од Вухан доаѓаат во Србија
Кинеските туристи од Вухан, кои изминатите два дена се во Хрватска и БиХ, треба да влезат денес на територијата на Србија.
Епидемиологот на Федералниот институт за јавно здравје на Босна и Херцеговина Андреа Јуриќ изјави дека нема причина за тревога и дека нивното здравје е во ред, јавува Дневни аваз, Сараево.
