Експертите на Европската комисија забележаа дека само еден од обвинителите покажал разбирање за постапката за заплена на нелегална сопственост.
Европската комисија објави извештај за состојбата во косовското правосудство кога станува збор за борбата против организираниот криминал и корупцијата, во кој, меѓу другото, се забележани низа недостатоци, особено во обвинителството и полицијата.
Извештајот беше заснован на набљудувања на четворица експерти на Комисијата кои беа во Приштина минатиот ноември, пренесува Танјуг.
Во извештајот се истакнува квалитетот на подигнатите обвиненија, начинот на кој обвинителите постапуваат со предметите, недостатокот на докази во обвиненијата, сомневањата дали специјалните обвинители знаат како да спроведат сложена истрага, немањето специјализирани обвинители …
Недостатоци во истражните постапки
Забележани се и недостатоци во истражните постапки.
Експертите на Комисијата рекоа дека само еден од обвинителите со кои разговарале за одредени случаи покажал разбирање за постапката за заплена на нелегална сопственост.
Исто така, откриено е дека поради лошата обвинителска работа, многу лица неоправдано се ослободени од обвиненијата.
