Мајка од Аризона била уапсена во вторникот поради наводно задушување на три деца во семеен дом, по што ги оставила на каучот и направила да изгледа како да спијат.
Рејчел Хенри (22) е во затвор по три точки за убиство од прв степен, откако призна дека ги повредила своите деца, пренесува Дејли Меил.
Полицијата соопшти дека допрва треба да се потврди причината за смртта на децата, но мајката е осомничена дека ги задавила три деца: син (3) и две ќерки (седум месеци и една година), почнувајќи од најстарата ќерка.
Според полициските досиеја, Рејчел признала дека ги ставила рацете над носот и усните на децата се додека секој од нив не престане да дише.
Рејчел изјавила дека додека ја давела едногодишната ќерка, нејзиниот брат гледал и викнал по неговата мајка да престане, удирајќи ја неуспешно.
Потоа, таа, се префрлила на момчето, го држела до подот во спалната соба и го задавила. Таа цело време пеела песната, пишува Дејли Меил.
Според записникот, момчето ја изгребало и ја каснало својата мајка, борејќи се за неговиот живот.
На крајот ја убила и седуммесечна ќерка, која ја хранела пред убиството.
После монструозните убиства, мајката ги поставила трите деца на каучот во дневната соба и направила да изгледаат како да спијат додека во куќата имало уште двајца возрасни. Тие немале идеја што направила Рејчел.
Полицијата отиде на местото на настанот по повикот на роднина кој ги нашол децата во дневната соба. Тие беа прогласени за мртви на местото на настанот.
Властите не понудија можен мотив за убиствата, но судските записи наведуваат дека еден од возрасните во домот ја известил полицијата дека Рејчел „имала зависност од метамфетамин и се однесувал чудно во последните денови“.
