Рускиот претседател Владимир Путин го потпиша указот за составот на новата влада, предводена од Михаил Мишустин, кој ја презеде својата функција во кабинетот, пренесува Танјуг.
Рускиот претседателски декрет предвидува дека премиерот Мишустин ќе има девет заменици во новата влада, истакнувајќи дека во претходната влада имало десет.
Министерот за одбрана Сергеј Шојгу и министерот за надворешни работи Сергеј Лавров ги задржаа своите функции, соопшти Кремлин.
Путин го назначи Андреј Бјелошов, негов економски советник од 2013 година, за прв вицепремиер.
Со декрет ги назначи Дмитриј Григоренко, Јури Трутнев, Викторија Абрамченко, Јури Борисов, Татјана Гољиков, Алексеј Оверчук, Марат Хушулин и Дмитриј Чернишенко за вицепремиери.
Кои се министрите?
Министер за култура е Олга Љубимова, министер за внатрешни работи Владимир Колокоjчев, министер за енергетика Александар Новак, министер за транспорт Евгениј Дитрих, министер за индустрија и трговија Денис Мантуров, министер за комуникации Максут Шадаев и министер за природни ресурси и екологија Дмитриј Кобилкин.
За министер за здравство беше назначен Михаил Мурашко, министер за земјоделство Дмитриј Патрушев, министер за градежништво Владимир Јакушев и министерот за цивилна одбрана и вонредни ситуации Евгениј Зиничев.
Министер за образование е Сергеј Кавчов, министерот за развој на Далечниот исток и Арктикот Александар Козлов и министерот за труд и социјална помош Антон Котјаков.
Путин им честиташе на членовите на кабинетот за именувањето и им посака успех во својата работа.
