Софиска фирма на Двајца Македонци Блаже Игнатовски и Горан Ангелов се најде под истрага на бугарските власти поради увоз на сомнителен отпад од Италија.

Се работи за компанијата Блацион регистрирана во Буграија, во која содружници се и двајца италијански државјани. Испраќачот е фирмата „Дентиче Пантелоне” од италијанскиот град Авелино.

Отпадот во 25 контејнери пристигнал во пристаништето Варна на 9 октомври. Според законот фирмата увозник во рок од 90 дена требала да ја насочи пратката за царинење и достава или за реекспорт, но кога тоа не се случило реагирала Царината. При прегледот на контејнерите утврдено е дека содржината на отпадот не е соодветна со докумнтите од декларациите.

Управителот Блаже Игнатовски за Сител вели дека во пратките нема ништо сомнително. Очекува тоа да се потврди и со истрагата на бугарските власти и анализата од експертите.

Содружник но не и управител во оваа фирма е Горан Ангелов , директор на депонијата Дрисла.

Во истрагата се вклучени обвинителството, царината и екоинспекцијата во Варна. Според бугарските медиуми засега нема приведени лица, но се бара соработка од македонските и италијански за разрешување на случајот.

Бугарското обвинителство поведе истрага под сомневање за незаконско управување со отпадот.

Во мегувреме истрага се води и против бугарскиот министер за животна средина, Нено Димов. Тој беше во притвор поради увоз на отпад и рестрикција на вода во градот Перник. Европските медиуми пренесуваат дека во тек е и операција италијанската полиција против сицилијанската мафија која наведуваат дека прави милионски бизнис со сторнирање на токсичниот отпад во Бугарија.

Извор: Сител