СДСМ преку конкретни мерки и политики испорачува резултати што носат придобивки за сите граѓани, додека ВМРО-ДПМНЕ преку злоупотреби на техничките функции и ширење лажни вести го бранат криминалот на режимот. Прочитани се намерите на ВМРО-ДПМНЕ и Христијан Мицкоски, изјави на денешната прес конференција, Хари Локвенец, пратеник на СДСМ.
Според СДСМ со злоупотреби на техничките функции и однесување надвор од мандатите што им се законски пропишани, ВМРО-ДПМНЕ сака да ги оневозможи граѓаните да ги остваруваат своите уставно загарантирани права за време на техничката влада, чија основна функција е организирање на слободни, фер и демократски избори.
На тој начин Мицкоски и ВМРО-ДПМНЕ подготвуваат терен за непризнавање на изборниот резултат, соочени со релноста дека ќе ги загубат изборите. Прочитани се и затоа се во голема паника, рече Локвенец.
Според СДСМ, сценариото на ВМРО-ДПМНЕ е провидно, предлагаат осомничени и кадри со обвиненија, шират лажни вести и измислуваат непостоечки случаи. Не нудат ништо освен обнова на режимот, одбрана на криминалот.
Но ние како СДСМ, заедно со граѓаните тоа нема да го дозволиме. Денес, институциите се во сигурни раце, фер и демократски избори ќе има, слободната волјата на граѓаните нема да дозволиме да ја загрози режимската ВМРО-ДПМНЕ, изјави Локвенец.
На крајот о прес конференцијата тој изјави дека груевистичкото ВМРО-ДПМНЕ предводено од Христијан Мицкоски е изолирано и спречено да прави криминал од страна на професионалните институции. Во нашата разумна и нормална земја, членка на НАТО, груевистичкото ВМРО-ДПМНЕ нема да има никакви шанси на изборите во април, рече Локвенец.