Вчера кон крајот на работното време до Основниот кривичен суд Скопје бил доставен допис до судот од страна на адвокатот Јовица Страшевски со кој го известува судот дека е на годишен одмор до 17.01.2019 година.
Од Основниот кривичен суд Скопје за дописот на адвокатот Јовица Страшевски кој беше доставен до медиумите, велат дека само ги потврдува заканите и притисоците кои адвокатот – странка во постапката, се обидува да ги направи врз судот и судијата – поротник, кој одлучува во конкретната постапка, а за кои судот подолго време апелира и вчера побара соодветна реакција од надлежните органи.
Од судот потврдуват дека судијата – поротник вчера побарал прием кај претседателот на судот на кој му се пожалил дека прима закани да се откаже од постапување во конкретниот предмет за што доставила и изјава.
Откако и било посочено дека судот ги користи сите легални механизми да го заштити интегритетот и угледот на секој судија и судија – портоник, поротникот се согласил да продолжи да постапува се до евентуално разрешување од Судскиот совет.
Но, зачудува фактот како адвокатот кој официјално е на одмор и неможе да се појавува на закажани судења, денеска повторно продолжува со прозивки и притисоци? Како и од каде адвокатот би знаел какви дописи се доставуаат до судот, од други лица, кога истите се доставуаат само до приемното одделение? Како се дозволува некој и понатаму да влијае на судиите и судиите – поротниции надвор од судница, велат од Кривичниот суд Скопје.
Заради сите овие прашања судот повторно апелира до Министерството за правда, Адвокатската комора, Судскиот совет на РСМ и Јавниот обвинител да преземе соодветни мерки и да го заштити судот, бидејќи доколку овие „методи“ вродат со плод, истите може да бидат применети и во сите други судски постапки.