Вчера допоплнителната заменик министер во Министерството за информатичко општество и администрација, Невенка Стаменковска Стојковски ги објави сите огласи за вработување во изминатите 2 месеци во бројка од 4420 нови вработувања.
Според пресметките овие огласи државата и граѓаните ќе ги чинат 62,497.542.00 денари.
Здравиот разум и логика говори кога имате толку многу вработувања пред избори, тие може да бидат само во функција на партизирање на системот и извор на непотизам.
Зад секој бран на партиски вработувања, стои нов бран на непотизам кој очигледно оваа власт го фаворизира, напиша таа.
Колку само братучеди, ќерки, синови и деца на функционери на Владеачката партија се нововбработени во овие над 4 420 нови вработувања, останува да покаже времето.
Дека е реална оваа бројка што ја говорам во продолжение објавувам дел од објавените огласи по институциите, сите до еден во претходните два месеци, откога веќе се знаеше дека следи формирање на техничка влада и избори.
Ова првиот дел од оваа тажна приказна на руинирање на квалитетот и игнорирање на професионалноста, стои во статусот на Стаменковска.
Подоцна со реакција се јавија од СДСМ од каде демантираа дека вистинските бројки за вработувањата, не се тие кои ги соопштува дополнителна заменичка министерка за информатичко општество и администрација, Невенка Стаменковска.
Како што спомена Димовски, во периодот 2009—2015 година, режимот на Груевски и ВМРО-ДПМНЕ вработувале во просек годишно по 1.671 државен односно административен службеник само во органите на централната и локалната власт. За споредба, во периодот 2017—2019 година, Владата на СДСМ, работејќи според законите и правилата кои ги донесе Владата на ДПМНЕ, преку Агенцијата за администрација вработувала просечно годишно само 1.098 административни службеници или за повеќе од 35% помалку отколку во времето на режимот.
При тоа тој спомена дека само пред две недели, нејзината партија изрази жестока спротивставеност за предлогот за новиот Закон за висока раководна служба, предложен од Владата предводена од СДСМ.