Регулаторната комисија за енергетика денес донесе Одлука со која се врши намалување на малопродажните цени на нафтените деривати во просек за 0,48%, во однос на досегашните малопродажните цени на нафтените деривати.
Референтните цени на нафтените деривати на светскиот пазар во споредба со изминатиот седумдневен период бележат зголемување кај бензинот во просек за околу 0,05% или за 0,30 $/тон, кај дизелот зголемување во просек за околу 0,175% или за 1,050 $/тон, кај екстра лесното масло зголемување во просек за околу 0,178% или за 1,050 $/тон и кај мазутот зголемување во просек за околу 2,192% или за околу 10,200 $/тон, поради што во структурата на цените на нафтените деривати е извршено соодветно прилагодување.
Малопродажните цени на бензините ЕУРОСУПЕР БС-95 и ЕУРОСУПЕР БС-98, на
ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за 0,50 ден/лит во однос на цените утврдени со Одлуката од 30.12.2019 година и со тоа, малопродажната цени изнесуваат:
ЕУРОСУПЕР БС-95 изнесува 68,00 ден/лит,
ЕУРОСУПЕР БС-98 изнесува 70,00 ден/лит,
ЕУРОДИЗЕЛ (Д-Е V) изнесува 62,50 ден/лит,
Екстра лесното масло за домаќинство (ЕЛ-1) изнесува 51,50 ден/лит.
Малопродажната цена на мазутот М-1 НС се зголемува за 0,305 ден/кг и изнесува 38,548 ден/кг.
