Нашите банкарски сметки можат да бидат источени, иако станува збор за мали количини, сепак тоа може да се случи додека дебитните и кредитните картички се наоѓаат во нашиот џеб. Шемата не е нова, но стана се повеќе популарна во последните неколку месеци, предупредуваат експертите за безбедност на сајбер криминалот. Источувањето на пари доаѓа со специјални уреди со кои измамниците го допираат паричникот. Измамата најчесто се јавува таму каде што има најмногу луѓе.
Криминалните групи ја користат функционалноста на безконтактната платежна картичка без пин-код, објасни за „БНР“ експертот за информатика, Камен Несторов.
„Тие се вешто способни да се приближат до вашиот новчаник со специјализирани уреди со подолг опсег. На овој начин, тие прават мали трансакции, многу по број, на места каде што луѓето се блиску едни до други – јавен превоз, продавници, итн. ”, додава тој.
Според него, технологиите обезбедуваат многу заштити кои не дозволуваат источувањето на картичката без ваша желба. „Добро секој да се запознае со опасностите и сам да прецени какви мерки би презел за нивна превенција“, истакнува Несторов.
Тој, исто така, изјавува дека клучевите за безконтактните автомобили можат да се манипулираат на сличен начин.
