Шефот на српската дипломатија Ивица Дачиќ рече дека „најчестите лаги“ се изјавите на потпретседателот на партијата Слобода и правда, Мариника Тепиќ, за тоа дека собирал пари од бизнисмени за да плати за повлекување на признавање на Косово, додавајќи дека тоа е „еден од најголемите напади насочени кон компромитирање на државните политики на Србија “.
„Ваквите работи го поткопуваат кредибилитетот на Србија, затоа што овие работи ќе ги користат српските непријатели. Ако имавме 113 земји кои ја признаваат независноста на Косово, а сега има 93 од нив, претпоставувам дека некој треба да каже дека добро сме одработиле … Прашањето е дали тоа е добро за Србија или правиме нешто од што треба да се срамиме? Тоа е многу неодговорна изјава “, рече Дачиќ за српската телевизија Happy.
Дачиќ рече дека „сите Срби“ ќе поддржат таква акција (плаќање на државите да го повлечат признавањето на независноста на Косово), дури и да прифатат заем за решавање на косовското прашање, но тоа не е начинот.
