Група соседи, членови на две семејства се пресметале со оружје вчера во скоската населба Чаир.
Како што објави МВР, на плац на булеварот Македонско-косовска бригада во Скопје, двете групи употребиле огнено оружје и ножеви, пришто има повредени.
– На 02.08.2023, полициски службеници од СВР Скопје ги лишиле од слобода С.Ф.(38) и С.Н.(31), двајцата од Скопје. Тие се сомничат дека во плац на бул.„Македонско-косовска бригада“ во Скопје учествувале во физичка пресметка помеѓу две семејства – соседи, во која било употребено огнено оружје и остри предмети, при што со повреди од огнено оружје се здобиле М.И.(51) и еден малолетник, додека со повреди од остар предмет се здобиле Ш.И.(22) и С.И.(27), соопшти МВР.
Како што информира МВР, повредените биле пренесени во Градската општа болница „8 Септември“ каде што им била укажана лекарска помош.
