Од Конан О’Брајан до Дејвид Хаселхоф, ѕвездите од забавната индустрија тагуваат за смртта на комичарот кој го толкуваше Пи-Ви Херман.
Забавната индустрија изгуби клучна фигура во неделата вечерта со смртта на Пол Рубенс. Актерот, кој се прослави со портретирањето и создавањето на ликот на Пи-Ви Херман, почина по долга и тешка шестгодишна битка со ракот. По веста за неговата смрт, почит изразија стотици ѕвезди на социјалните мрежи.
Долгогодишниот водител на ток-шоу Конан О’Брајан имаше само пофалби за Рубенс: „Ниту еден твит не може да ја долови магијата, дарежливоста, уметноста и посветената лудост на Пол Рубенс. Сите што ги познавам добија безброј смешни мемиња од Пол на нивните родендени, и јас, значи СИТЕ. Неговата надреална комедија и немилосрдната љубезност беа подарок за сите нас. По ѓаволите, ова боли“.
Водителот на ток шоу Џими Кимел, исто така, ја истакна вродената способност на Рубенс да памети родендени: „Пол Рубенс беше како никој друг – брилијантен и оригинален комичар кој ги смееше децата и нивните родители во исто време. Тој никогаш не забораваше роденден и го споделуваше своето вистинско задоволство со комедијата со сите што ги сретна. Ќе ми недостига мене и на моето семејство“.
Paul Reubens was like no one else – a brilliant and original comedian who made kids and their parents laugh at the same time. He never forgot a birthday and shared his genuine delight for silliness with everyone he met. My family and I will miss him.
— Jimmy Kimmel (@jimmykimmel) July 31, 2023