Брзи пикантни шпагети со туна

Класичниот сос од туна подигнете го на посебно ниво збогатувајќи го со лута пиперка и балсамико и направете совршена вечера за овие претопли денови.

Состојки (за 4 лица):

250 гр чери домати

1 главица кромид

2 чешниња лук

1 лута црвена пиперка

185 гр туна во масло

половина китка магдонос

400 гр шпагети

3 лажици маслиново масло

сол и бибер, балсамико оцет, пармезан

Подготовка:

Кромидот и лукот ситно исечкајте ги, а доматите поделете ги на половина. Исечкајте ја пиперката на мали коцки. Туната исцедете ја и иситнете, а магдоносот ситно исечкајте го. Сварете ги шпагетите ал денте. Загрејте го маслото во тава и пропржете ги кромидот и лукот. Додадете ги доматите, туната и биберот, па кратко продинстајте ги со кромидот и зачинете со сол и бибер, а за уште позачинет вкус, по желба додадете една лажица балсамико. Исцедете ги шпагетите, додадете магдонос и сос по желба, па посипете со пармезан.