Џес Бентлман одлучила да пешачи по половина час секој ден во текот на еден месец.
„За еден месец забележав разлика во телото, но и во умот. Првите две недели одев надвор и прошетките ме ослободуваа од притисокот од вежбањето во теретана. Излегував од дома и почнав да размислувам појасно. Го придвижив телото и крвта ми се раздвижи. Следните две недели одев на лента за трчање во теретана со наклон од 12 проценти. Тој наклон и поголема брзина на лентата за трчање ми го засилија ефектот. Тоа 30-минутно одење на лента за трчање на нагорнина е многу потешко отколку што мислите и навистина го буди телото – предизвикува потење и помага за тонирање на мускулите и зајакнување на јадрото. Се разбира, овие прошетки беа потешки од моите побавни прошетки на отворено, но сепак беа остварливи и не ми наметнаа притисок како интензивните тренинзи што вообичаено ги правам во теретана“, рече таа.
Студијата спроведена на Универзитетот во Канзас покажа дека лесните аеробни вежби, како што е одење, го спречуваат раниот почеток на деменција и го намалуваат ризикот од Алцхајмерова болест, која погодува 35 милиони луѓе ширум светот. Лекарите предвидуваат дека тој број ќе се удвои во следните 20 години.
Пешачењето е аеробна активност, што значи дека го зголемува нивото на кислород во крвта и помага да се елиминираат токсините. Поради подлабоко дишење, некои симптоми поврзани со белодробна болест може да се ублажат.