Украински проектил од системот „S-300“ наводно паднал на територија на Белорусија, руски сојузник, објави државната новинска агенција „BelTa“.
Министерството за одбрана во Минск истражува дали белоруската противвоздушна одбрана ја погодила ракетата или станувало збор за залутан проектил.
Според информациите на локалните медиуми, белорускиот претседател Александар Лукашенко побарал брза истрага.
#Belarus Officially confirmed: this morning, a S-300 complex missile fell down in Belarus. Lukashenka instructed to create a group of specialists to investigate the incident. There are no casualties.
Propaganda immediately blamed Ukrainians for this. pic.twitter.com/stAAFeCKDc
— Hanna Liubakova (@HannaLiubakova) December 29, 2022
Инцидентот се случил меѓу 10 и 11 часот наутро по локално време, а „BelTa‘ известува дека нема жртви.
Украина сè уште не го коментирала инцидентот, пренесува „Sky News“.
Во ноември, ракета лансирана од украински одбранбен ракетен состав, слетала во Полска, ден по жестоките руски напади.
Станува збор за оружје од советско доба, а го користат и Русите и Украинците.
