По долгогодишна борба со леукемијата, денеска во Рим на 53-годишна воздраст почина поранешниот српски фудбалер и тренер Синиша Михајловиќ. Зад себе ја остави сопругата Аријана и петте деца.
Михајловиќ роден е на 20 февруари 1969 година во Вуковар. Со фудбал почнал да се занимава во локалниот клуб Боров во кој и стана професионалец.
Две години подоцна се пресели во Војводина, а во 1990 година пристгнува во Црвена Ѕвезда со која стана Европски и Светски шампион.
После две години заминува во Италија каде настапуваше за Рома, Сампдорија, Лацио и Интер, при што се здоби со статус на еден од најдобрите одбрамбени играчи во Серија А.
Во 1999 година беше прогласен за најдобар фудбалер на Југославија, а за репрезентацијата одигра 63 натпревари и постигна 10 погодоци.
Како тренер ги водеше тимовите на Болоња, Катанија, Фиорентина, Сампдорија, Милан,Торино, Спортинг, а беше селектор и на Србија.
Од него се простија голем број на фудбалски ѕвезди, како Филипо Инзаги, Алесандро Неста, големиот Франко Барези, Кристијан Виери и многу други.
