Рама: Ние бевме Авганистанци пред 30 години

epa08222705 Albanian Prime Minister Edi Rama arrives for an informal summit between the EU and Western Balkans leaders at the EC headquarters in Brussels, Belgium, 16 February 2020. The leaders from the six Western Balkans countries (Albania, Bosnia and Herzegovina, Kosovo, Montenegro, North Macedonia and Serbia) are meeting with the EU's High Representative for Foreign Affairs and Security Policy Josep Borrell, as well as European Council President Charles Michel, EU Commission President Ursula von der Leyen and Croatian Prime Minister Andrej Plenkovic, to prepare the upcoming EU-Western Balkans summit in Zagreb scheduled for May 2020. EPA-EFE/JULIEN WARNAND

Албанскиот премиер, Еди Рама, во интервју за радио емисијата „Светот вечерва“, која се емитува на Би-Би-Си, изјави дека Албанија мора сега да ги прими Авганистанците, бидејќи тие се нивни пријатели, а додаде дека и тие биле во слична таква ситуација како нив пред 30 години.

„Не знам што мислат земјите-членки на ЕУ кои велат дека во наредниве години ќе ги примат Авганистанците. Ние треба да бидеме тука за тие кои работеле за нас. Има илјадници, кои треба да бидат прифатени сега, не за неколку години“ изјави Рама.

Рама вели дека тој ја истакнал својот став уште на самитот на НАТО, каде тој го кренал својот глас за ова прашање.

„Ние сме биле дел од режим сличен на оној на талибанците. Мора да размислуваме за Авганистанците, бидејќи во спротивно, тие ќе бидат казнети од страна на предавниците, и тоа не било каква казна, туку само со убиство, бидејќи тој е начинот на кој терористите се одмаздуваат“ изјави Рама на самитот.

Премиерот на Албанија бил прашан и за ефектите кои ќе ги имаат прифатените авганистански државјани врз економијата на земјата. Рама одговори споредувајќи ја моменталната состојба со таа кога пристигнале косовските Албанци за време на војната.

Тој се наврати на времето кога бил Министер за култура, кога во тоа време, имало 500 илјади косовски мигранти кои биле прифатени во Албанија. А според него, Албанија е „повторно тука, економски и морално силна“.