Владата најави воведување на еколошка такса на горивата, како решение против загадувањето на воздухот.
Еколошката такса за литар дизел и за бензините ќе изнесува 3,5 денари и ќе биде воведена од 1 јули и со ова се очекува да се зголемат цените на горивата. Зголемувањето пак на цените на горивата се очекува да влијаат на зголемувањето и на останатите цени на стоки и услуги.
Голем број на експерти сметаат дека можеби владата треба да воведе субвенции за граѓаните за нови автомобили или за воведување на плински уреди како мерка против загадувањето, а не да ги качува цените.
Додека Владата најавува нови давачки, секојдневно низ Скопје може да се забележи чад од палење на пластика. Граѓаните на социјалните мрежи постојано објавуваат фотографии, но надлежните не реагираат.
Очигледно дека граѓаните веќе ниту во летните период нема да можат да дишат чист воздух.
