Тим истражувачи го проучувале летот од Милано до Сеул, кој бил организиран лани, во март, во време кога Италија бележеше зголемување на бројот на заразени. Откриени се местата со најголем ризик за ширење на коронавирусот во авионите.
Според истражувањето спроведено од Универзитетот за медицински студии Соончунјанг во Јужна Кореја, откриено е дека тоалетите се области со најголем ризик за ширење на коронавирусот во текот на летото.
И по тоалетот, најопасните места за ширење на вирусот корона се заедничките простории и воопшто, оние места што патниците најчесто ги допираат. Тимот истражувачи го проучуваше летот од Милано до Сеул. На летот требаше да се качат 310 патници. Сепак, за време на тестирањето, кај 11 од нив било утврдено дека имало корона вирус, па затоа не им било дозволено да се качат.
При слетувањето во Сеул, апсолутно сите патници биле во изолација 2 недели, според Торноњуз. На првиот ден од карантинот, шестмина од нив добиле позитивен резултат по тестирањето, иако биле асимптоматски.
На последниот ден од карантинот, една жена била позитивна на коронавирусот, што значи дека била заразена за време на летот, а познато е дека го користела тоалетот во авионот.
Студијата објасни дека жената ја носела маската во текот на целиот лет, но ја симнала само додека била во тоалетот. Тоалетот го посетиле и патници кои седеле во негова близина, вклучувајќи ги и оние кои се сметаат за асимптоматски случаи. Поточно, таа жена седела на 3 реда од пациентот, кога и беше дијагностициран асимптоматски тип на инфекција. Бидејќи била дома во домашна изолација 3 недели пред летот и не користела јавен превоз за да стигне до аеродромот, најверојатно била заразена во текот на летот преку индиректен контакт со асимптоматски пациент.
Студијата понатаму објаснува дека е малку веројатно вирусот да се пренесувал од воздухот преку специјални филтри во авионот, како и дека контактот со заразени лица кои се качуваат, но и контактот со контаминирани површини, секако играат значајна улога во пренесувањето на инфекцијата.
