Американскиот претседател Доналд Трамп разговараше со кинескиот колега Си Џинпинг и рече дека е постигнат напредок во голем број прашања, но Кина објави дека Си ги обвини САД дека се мешаат во внатрешните работи на Кина, пренесе Ројтерс.
Двајцата водачи разговараа седум дена откако нивните пратеници се согласија за првата фаза од договорот со кој треба да се стави крај на осумнаесет месечната трговска војна.
Трамп на Твитер објави дека разговарал со кинескиот претседател.
https://twitter.com/realDonaldTrump/status/1208045488156614659
Претставник на Белата куќа потврди дека претседателите разговарале, и кинеската државна телевизија известила дека Трамп го побарал интервјуто, објави ХИНА, повикувајќи се на Ројтерс.
“Имав навистина добар разговор со кинескиот претседател Си за нашиот огромен трговски договор. Кина веќе започна да продава на големо од нашите земјоделски производи и повеќе. Формалното потпишување беше договорено. Разговаравме и за Северна Кореја, каде работиме со Кина и Хонг Конг ( напредок!) “, напиша Трамп на Твитер.
Кинеската новинска агенција Ксинхуа соопшти дека Си му кажал на Трамп дека Кина е крајно загрижена за „негативните зборови и дејства“ на САД во однос на Тајван, Хонг Конг, Ксинџијанг и Тибет.
„Со овие работи се мешаат во внатрешните работи на Кина, ги повредуваат кинеските интереси и ја поткопуваат меѓусебната доверба и соработката на двете страни“, објави Ксинхуа.
САД повикаа на затворање на камповите во западниот кинески регион Ксинџијанг, во кој стотици илјади ујгурски муслимани, мнозинска нација во кинеската провинција, се приведени од Кина, изразувајќи загриженост за односите со демонстрантите во Хонг Конг.
Ксинхуа изјавува дека Си му кажал на Трамп дека сите страни мора да бараат политичко решение за прашањето на Северна Кореја и дека „сите страни треба да се најдат едни со други на половина пат и да одржат динамика во олеснувањето на дијалогот“.
