Најмалку 11 лица загинаа, а 37 се тешко повредени во експлозија на гасовод во станбена област во централна Кина, соопштија локалните власти.
Несреќата се случила во градот Шијан во провинцијата Хубеи, изјавија властите и додаваат дека 144 лица се хоспитализирани.
Спасувачките екипи се’ уште се на лице место, додека причината за експлозијата засега не е позната.
At least 11 people were killed and 37 more severely wounded after the gas explosion in Shiyan City, central China’s Hubei Province, CGTN reported. #ShamshadNews pic.twitter.com/gVMwuwZqEM
— ShamshadNews (@Shamshadnetwork) June 13, 2021
Слична експлозија се случи во 2013 година на пристаништето Чингдао. Во тоа време, 55 лица загинаа во експлозијата на подземниот гасовод.
Ваквите несреќи често се случуваат поради непочитување на прописите за безбедност, лошо одржување на објектите и корупција во извршните тела.
Одговорните честопати се строго казнувани, но високата побарувачка и желбата за профит честопати ја надминуваат загриженоста дека не се следат регулативите.
