Денес започнува Европското фудбалско првенство, Македонија дебитира во недела

epa08300428 (FILE) - The Henri Delaunay trophy on display during the unveiling of the UEFA EURO 2020 tournament and the host city logo in the City Hall in London, Britain, 21 September 2016 (re-issued on 17 March 2020). The UEFA EURO 2020 has been postponed to 2021 amid the coronavirus COVID-19 pandemic, the Norwegian Football Association (NFF) announced on 17 March 2020. EPA-EFE/FACUNDO ARRIZABALAGA

Со натпреварот Турција – Италија, вечер од 21 часот стартува Европското фудбалско првенство. Натпреварот ќе се игра на „Олимпико“ во Рим и е од 1.коло во А-групата во која се наоѓаат и селекциите на Швајцарија и на Велс.

На ЕВРО 2020 ќе настапи и македонската фудбалска репрезентација. „Црвено-жолтите“ дебито на континенталните првенства ќе го имаат в недела од 18 часот против Австрија во Букурешт како дел од Ц-групата каде се сместени и репрезентациите на Холандија и на Украина.

Б-групата ја сочинуваат: Русија, Белгија, Данска и Финска.

Учесници во Е-групата се: Чешка, Хрватска, Шкотска и Англија.

Составот на Е-групата е: Шведска, Полска, Шпанија и Словачка.

Најтешка, т.н. група на „смртта“ е Ф-групата: Германија, Франција, Португалија и Унгарија.

ЕВРО 2020 ќе се игра во 11 града: Рим, Букурешт, Баку, Копенхаген, Санкт Петербург, Лондон, Амстердам, Глазгов, Севилја, Будимпешта и Минхен.

Од 24 репрезентации, во следната фаза ќе се пласираат двете првопласирани од секоја од шесте групи, како и четири третопласирани кои ќе имаат најдобар биланс.

Европското првенство ќе трае до 11 јули.