Реал Мадрид неодамна се раздели со Зинедин Зидан, кој немал најдобар однос со претседателот Флорентино Перез, па сега шпанскиот гигант бара замена за Французинот.
Еден од кандидатите за тренерското место е Карло Анчелоти, а „Марка“ пишува дека тој е најголем фаворит за да се врати во гигантот од Мадрид.
Анчелоти во моментов има договор со Евертон, но „кралевите“ би можеле да платат отштета за да го ангажираат и тоа најверојатно не би бил проблем за шпанскиот тим.
Искусниот италијански стратег работеше и во минатото како тренер на „кралевите“, и тоа во период од 2013 до 2015 година, а ги освои Лигата на шампиони, шпанскиот Куп, европскиот Суперкуп и Светското клупско првенство.
Покрај Анчелоти за кормилото на Реал се борат и Раул, Маурицио Покетино и Антонио Конте.