Вакцинацијата во Македонија продолжува со исто темпо, при што досега се вакцинирани околу 300.000 граѓани од кои што над 230.000 со една доза и 60.000 ревакцинирани, информираше министерот за здравство Венко Филипче.
Според него следната недела се очекуваат 20.000 вакцини донација од Грција и 50.000 од Бугарија. Дополнително во јуни пристигнуваат вакцини преку Ковакс, но и кинески вакцини.
-Во следниот период ќе се разгледува можноста за вакцинирање деца од 12 до 16 години, откако сад го дозволи тоа со вакцината на „Фајзер“-вели министерот Филипче и нагласи дека тоа мозе да е една од мерките за да може учениците од први септември да се вратат во училиште.
Што се однесува на тоа што сеуште е висок бројот на смртните случаи на болните со коронавирусот, Филипче појасни дека тоа е така бидејќи на лекување на инфективните одделенија се останати тешките случаи.
-Зелениот пасош за патување во странство од технички причини сеуште не е готов, но деновиве и тој ќе биде готов-информира филипче.
