Конфликтот меѓу Израел и Хамас ескалираше синоќа. Палестинските сили истрелаа повеќе од 200 ракети кон Израел, кој изврши силни воздушни напади врз појасот Газа. Насилството во градовите во кои Евреите и Арапите живеат заедно продолжи и во средата.
Вооружен огранок на Хамас, бригадата Ал-Касам, соопшти дека истрелала 110 ракети кон Тел Авив и 100 ракети кон градот Батшеба. Тие рекоа дека нападите се „одмазда за продолжување на нападите врз домови на цивили“.
WATCH as the Iron Dome Aerial Defense System intercepts rockets over southern Israel: pic.twitter.com/xUz3bMuTzz
— Israel Defense Forces (@IDF) May 12, 2021
Ракетите беа истрелани откако најмалку три лица беа убиени при уривање на зграда во Газа, со што бројот на загинати на палестинска територија се искачи на 35. Меѓу загинатите има најмалку 10 палестински деца.
Од друга страна, за време на нападот врз Израел, пет лица беа убиени во Тел Авив и во градот Ашкелон, додека најмалку 100 лица беа повредени.
Мапата која израелските одбранбени сили ја објавија на Твитер претходната вечер најдобро го отсликува судирот помеѓу Израел и Палестина. Како што објасниле, секоја црвена точка покажува каде звучеле сирените во Израел во последниот половина час.
Every red dot marks sirens in Israel over the last 30 minutes: Israel is under attack. pic.twitter.com/1CSOFn8NBi
— Israel Defense Forces (@IDF) May 11, 2021
„Израел е нападнат“, напиша израелската армија на Твитер.
Мапата е објавена во 20 часот и 50 минути.
Хамас соопшти дека ракетните напади се директен одговор на рациите на израелската полиција во областа на џамијата Ал-Акса.
Снимки и фотографии од хаосот од Израел го обиколија светот утрово. Тел Авив е во урнатини, а децата се сами на улиците.
