Американската администрација за храна и лекови и Центрите за контрола и превенција на болести ја укинаа забраната за употреба на вакцините на „Џонсон и Џонсон“, соопшти Администрацијата за храна и лекови.
САД можат веднаш да ја обноват вакцинацијата со „Џонсон и Џонсон“, соопштија врвните здравствени регулатори, завршувајќи ја десетдневната пауза за да се испита врската помеѓу вакцината и исклучително ретките, но потенцијално смртоносни тромби.
Центрите за контрола и превенција на болести на САД (ЦДЦ) и Администрацијата за храна и лекови во заедничката изјава велат дека здравствените системи и примателите на вакцини ќе бидат предупредени за ризик од потенцијално фатален синдром, кој вклучува сериозни тромби и ниски тромбоцити.
Агенциите ја донесоа одлуката по состанокот на надворешни советници на ЦДЦ кои препорачаа запирање на вакцинацијата со вакцината Џонсон и Џонсон. Одлуката следеше по истрагите на агенциите за ризиците од вакцината.
