Јапонците го имаат највредниот пасош на светот, со кој можат да влезат во 193 земји без виза, според агенцијата „Хенли и партнери“ во нивниот годишен индекс.
Највреден пасош во светот е јапонскиот, чии граѓани можат да влезат во 193 земји без виза. На второ место е пасошот на Сингапур со пристап до 192 земји, додека третото место го делат јужнокорејскиот и германскиот со кои може без виза да се патува во 191 земја.
Четвртата позиција, со пристап до 190 земји без виза, ја делат италијанскиот, финскиот и шпанскиот.
Македонскиот пасош на оваа листа се најде на 43-то место, а веднаш зад нас на 44 место е пасошот на Црна Гора.
