Во следниот период следува избор на јавен-приватен партнер за развивање на дитрибутивната мрежа на природен гас во целата држава, а две турски компании веќе пројавија интерес. Од јавниот-приватен партнер кој ќе ја развива дистрибутивната мрежа ќе биде побарано да обезбеди соодветни и евтини кредити кои ќе овозможат на домаќинствата да ја заменат инсталацијата на рати на повеќе години, додека пак самиот приклучок на дистрибутивната мрежа на природен гас за домаќинствата нема да чини повеќе од 100 евра, изјави претседателот на Регулаторната комисија за енергетика, Марко Бислимовски.
-Радува и фактот што нови домаќинства се приклучени на дистрибутивните мрежи за природен гас, особено во Струмица и помал број во Куманово. Во следниот период следува избор на јавен-приватен партнер за развивање на дистрибутивната мрежа во целата држава. Ја посетивме Регулаторната комисија за енергетика на Турција со цел да се споделат нивните искуства. И оттаму две компании пројавија интерес. Тендерскиот услов ќе биде најниската понудена цена за приклучок на природен гас, односно не повеќе од 100 евра по приклучок. Очекуваме од новиот јавен-приватен партнер да обезбеди и соодветни евтини кредити кои ќе им овозможат на домаќинствата да ја заменат својата инсталација на рати на повеќе години, како што е пракса во телекомуникациските компании, најави претседателот на РЕК.
Во 2020 година за првпат откако е започната гасификацијата во Македонија има рекордна потрошувачка на природен гас. Во однос на 2019 година, потрошувачката изминатата година е зголемена за 12,5 отсто, додаде претседателот на Регулаторната комисија за енергетика, Марко Бислимовски.
–Годината 2020 егодина во која за првпат откако започна гасификацијата воземјата има рекордна потрошувачка на природен гас. Во 2020 година потрошувачката изнесува 338 милиони нормални метри кубни. Ова е пред сè поради тоа што имаме зголемена потрошувачка на погенеративните производи. Во индустрискиот сектор потрошувачката е зголемена за 43 отсто, а пад од 11 отсто на користење на природен гас бележиме кај металната индустрија која беше најпогодена поради берзанските намалувања. Вкупно во 2020 година потрошувачката е зголемена за 12, 5 проенти во однос на 2019 година, вели Бислимовски.
Во однос на поскапувањето на електричната енергија, Бислимовски изјави дека ниту една компанија не побарала засега поскапување, но и дека РКЕ единствено определува цена за пренос и дистрибуција на електрична енергија и нема никакво влијание на цената која ја определува ЕСМ.
