Над 100.000 граѓани имаат и бугарско државјанство и понекогаш се заплашувани. Сепак недопустиво е во 21 век да не се признаваат правата на самоопределување – истакна бугарската министерка за надворешни работи Захариева и потенцираше дека тие понекогаш се заплашувани и покрај тоа што живееме во 21 век.
Захариева истакна дека Бугарја води доследна политика и побара правда за Бугарите во Македонија.
– Ние сме многу доследни во политиката. Некои луѓе таму беа многу изненадени поради тоа што кажавме „не“ за преговарачка рамка. Позицијата на Бугарија сепак е иста од 2019 година. Сметаме дека има забавено исполнување или недостиг на исполнување на задачите од македонска страна на Договорот за добрососедство со Македонија. Претходно имаше раздвижување во сите сфери, но од почетокот на 2019 година од кога станаа членка на НАТО почна недоследно исполнување. Ние реагираме за секој случај и се надеваме дека тоа нема да се повторува. Над 100.000 граѓани имаат и бугарско државјанство и понекогаш се заплашувани. Сепак недопустиво е во 21 век да не се признаваат правата на самоопределување – рече Захариева.
