Рибата е важна во здравата исхрана и сите нутриционисти препорачуваат да се јаде најмалку еднаш или двапати неделно.
Но, ако немате пазар за свежи риби во близина, можеби купувате замрзната риба или се потпирате на конзервирана туна. Еве што се случува во организмот кога јадете конзервирана туна!
1. Ќе бидете посити
Туната е полна со протеини, поради што ќе бидете сити подолго. Нема да земате „празни“ калории, така што вашето тело ќе се чувствува сито подолго. Се наведува дека треба да јадете околу половина грам на килограм од вашата тежина. Една конзерва туна во масло содржи околу 46 грама протеини, додека конзерва туна во сопствениот сок содржи околу 32 грама.
2. Ќе внесете важни хранливи материи
Туната содржи омега-3 масни киселини кои го поддржуваат здравјето на мозокот и очите. ДХА, една од омега-3 масните киселини, исто така ја подобрува меморијата, ги намалува воспалителните процеси и помага доколку очите често ви се сушат.
3. Може да добиете на тежина
Туната во масло има повеќе вкус, но има и повеќе калории. Изберете ја онаа во свој сок или исцедете ја туната добро во хартиена крпа пред да ја ставите во садот.
4. Може да ви пречи
Една од состојките што може да се најде во конзервирана туна е натриумот, што може да направи да се чувствувате надуени. Натриумот како компонента на сол е важен за одржување на метаболичките функции, но важно е да не се претерува.
5. Ќе внесете мала количина на жива
Важно е да се знае дека туната во конзерва содржи помалку од овој невротоксин отколку суровата туна, но сепак треба да внимавате на внесувањето. Постојат конзерви со ознака „Light“ затоа што тоа значи дека имаат помалку жива. Нутриционистите препорачуваат една конзерва неделно, пишува Mondo.me.
