Во Црна Гора, во последните 24 часа се тестирани 1.818 примероци за коронавирусот, меѓу кои се регистрирани 563 новоинфицирани, а пријавени се и шест смртни случаи.
Од шестте починати, тројца пациенти се од Подгорица и по еден од Никшиќ, Херцег Нови и Котор, од кои најмладиот имал 51, а најстариот имал 82 години.
Вкупниот број на смртни случаи поврзани со КОВИД-19 е 783.
Вкупниот број на активни случаи со КОВИД-19 во Црна Гора е 7.730.
Од почетокот на епидемијата, вкупниот број на регистрирани случаи на инфекција со коронавирусот во земјата е 59.825.
