Лидерот на Алијансата за иднината на Косово (АБК) и кандидат за претседател на Косово, Рамуш Харадинај, вчера изјави дека Европската унија со своето однесување кон Косово, може да го принуди Косово да се обедини со Албанија.
Според приштинската агенција telegrafi.com, Харадинај бил многу критичен кон Европската унија за време на презентацијата на изборната програма на неговата партија. Тој го постави прашањето што ќе се случи за четири или пет години ако нема напредок на Косово.
„Ако Косово не е пред вратата на НАТО и ако Косово нема либерализација на визниот режим со ЕУ, нема признавање од петте земји-членки на ЕУ, ако не сме пред вратата на ООН, што ќе правиме понатаму, дали ќе го прифатиме она што тие се обидоа да не убедат?“, се прашуваше Харадинај.
Тој праша дали Косово треба да прифати да биде дел од замрзнатиот конфликт и додаде дека Косово не може да чека додека другите не бидат расположени за да се затворат многу отворени теми.
„Косово треба да одлучи што понатаму… Нема да прифатиме замрзнат конфликт, нема да дозволиме да бидеме поделени, но ќе излеземе на референдум за обединување со Албанија. „Запомнете го тоа, не затоа што тоа го сакаме, затоа што 20 години му велевме на Западот дека сме за евро-атлантско Косово, да бидеме дел од ЕУ, НАТО, да станеме членка на ООН“, рече Харадинај.
Тој рече дека ако ЕУ сака, тоа може да убеди пет земји-членки на ЕУ да го признаат Косово, наместо да ги остави граѓаните на Косово „изолирани“ и повремено да им кажувате дека сте виновни за ова или она. „Дали Србија и другите соседни земји се совршени? „Не можеме да чекаме додека некој биде расположен за решавање на косовското прашање“, рече Харадинај.
