Граѓаните на Куманово денес излегоа на протрст за чист воздух. Велат дека негрижата на локалните власти придонела до енормното загадување и затоа градот во последните денови е меѓу најзагадените во светот, заедно со Скопје.
Посочуваат дека во секоја населба има по неколку диви депонии. До градоначалникот ќе поднесат краткорочни и долгорочни мерки за намалување на загадувањето.
Бараат рестриктивно возење автомобили, бесплатен јавен превоз, ваучери за велосипеди, пешачки зони и други краткорочни мерки.
Долгорочните барања се 5 отсто од буџетот да се намени за мерки против загадување, интензивна гасификација, купување автобуси на мазут, масовно пошумување на околината на градот.