Напаѓачот на Барселона, Лионел Меси го подобри рекордот на легендарниот Пеле за најмногу постигнати голови за еден клуб. 33-годишниот Аргентинец веќе има 644 погодоци за Барселона, еден повеќе од Бразилецот. Според многу експерти, овој рекорд повеќе нема да биде соборен.
Барселона го совлада Ваљадолид со 3: 0 како гостин во натпревар од 15-то коло во Примера дивизија. Клемент Ленгли ги доведе Каталонците во водство во 21-та минута, а Мартин Брајтвајт зголеми на 2-0.
Историскиот гол Меси го постигна во 65-та минута. Со него го престигна Пеле, кој постигна 643 голови за Сантос од 1956 до 1974 година, по што помина две сезони во Њујорк Космос.