Податоците на Светска банка од 2017 и 2018 година покажаа кои десет земји вложуваат најмногу средства во истражување и развој. Првите пет земји кои инвестираат најмногу БДП во активности за истражување и развој се Израел, Јужна Кореја, Швајцарија, Шведска и Јапонија.
„Колку повеќе се опоравуваме од пандемијата, толку повеќе истражувања и развој ќе играат улога во поддршка на растот на приватниот сектор и создавање нови работни места“, рече Кристин Лагард, претседател на Европската централна банка.
Во 2018 година, Израел потроши 4,95 проценти од БДП за истражување и развој. Еден од најважните економски сектори е технологијата. Нивниот технолошки сектор има корист од приливот на квалификувани и образовани инженери и техничари кои се преселиле таму во раните 90-ти, пишува порталот Кликс.
Помеѓу 1960 и 2019 година, Јужна Кореја забележа просечен раст на БДП од 7,3 проценти. Слично на Израел, технолошката индустрија цвета во оваа земја. Покрај тоа, тие имаат еден од најсилните одбранбени сектори – нивната граница со Северна Кореја е едно од најмилитаризираните места во светот.
Покрај импресивниот раст на БДП, извозот на земјата е исто така многу здрав, расте во просек за 16 проценти годишно помеѓу 1961 и 2019 година. Според Светска банка, во 2018 година, Јужна Кореја потрошила 4,81 проценти од БДП за истражување и развој.
Податоците за Швајцарија се однесуваат на 2017 година, кога оваа европска земја потроши 3,37 проценти од БДП за истражување и развој. Убедливо најголемиот економски мотор на Швајцарија е услужниот сектор, кој генерира скоро три четвртини од вкупниот БДП.
Главниот извозен пазар на оваа земја е Европската унија. Иако не е членка, Швајцарија има потпишано договори кои и овозможуваат слободно тргување со земјите на ЕУ. Меѓу најголемите индустриски сектори се фармацевтски производи и часовници, кои држат 9 проценти од извозот.
Зад Швајцарија се Шведска, Јапонија, Австрија, Германија, Данска, САД и Белгија.
Интересно е што поголемите земји како САД (2,84 проценти) и Кина (2,19 проценти) заостануваат. Тие се рангирани на 9-то и 13-то на списокот на Светска банка, а овие бројки се базираат на податоци од 2018 година.
Германија е на 7-то место со 3,09 проценти, а Велика Британија е на 21-то место со 1,72 проценти од БДП.
