На почетокот на овој месец, скоро совршено зачуван скелет на кит беше пронајден на брегот западно од Банкок, за кој се проценува дека е стар меѓу 3.000 и 5.000 години.
Должината на скелетот е 12 метри, од кои само главата е долга околу 3 метри, а научниците истакнуваат дека тој може да обезбеди еден вид увид во минатото, особено во историјата на океанот и биодиверзитетот, пишува „Би-Би-Си“.
Сами по себе, делумно фосилизираните коски не се толку чести откритија и досега се откриени повеќе од 80% од скелетите, вклучително и пршлени, ребра и перки.
Процесот на проучување на точната старост на коските допрва ќе започне, а резултатите треба да ги видиме во декември.
Патем, Тајландскиот Залив е интересен за истражувачите особено затоа што, за претходните 10 000 години, нивото на морето веројатно опаднало за цели 4 метри.