Русија денес објави дека вакцината против Ковид-19 на рускиот институт за истражување „Гамалеј“ е ефикасна 95 проценти. Ова се прелиминарни резултати добиени 42 дена по примањето на вакцината Спутник-V.
Бројот на луѓе опфатени со резултатите од ова клиничко испитување не е наведен.
Русија уште во август, пред клиничките тестови на големо, објави дека Спутник-V е ефикасна. Тврдењето предизвика сомнеж кај меѓународната научна заедница.
Во меѓувреме, резултатите за ефикасноста на вакцината ги објавија Оксфорд / АстраЗенека, американско-германски Фајзер / БиоНТек и американската Модерна. Нивните вакцини покажаа заштита до 95%, додека вакцината развиена на универзитетот во Оксфорд од британско-шведската компанија АстраЗенека е со ефикасност од 90% .
