Кина ќе започне масовно тестирање на три милиони луѓе на КОВИД-19 во Тијанџин, град на северот на земјата, и тестираше 4.015 лица во болница во Шангај по регистрирање на неколку заразени лица.
Националната здравствена комисија денес регистрираше седум нови домашни случаи на инфекција, од кои пет во Тијанџин и два во Шангај.
Локалните власти во Тијанџин изолираа станбена зграда, болница и градинка во кои се појавија новите случаи на зараза.
Денес, тие почнуваат да ги тестираат сите жители на областа Бинхај во Тијанџин.
Властите во Шангај ја затворија болницата откако маж и жена во петокот вечерта по посетата на болницата беа позитивни на тестот за „Ковид-19“.
Вкупниот број на потврдени случаи во Кина сега е 86.414.
