На авиокомпаниите ќе им требаат помеѓу 70 и 80 милијарди долари дополнителна помош од владите за да ја преживеат кризата предизвикана Ковида-19, изјави генералниот директор на Меѓународната асоцијација за воздушен транспорт (ИАТА), Александар де Зунијак.
Секторот веќе има добиено 160 милијарди долари помош од владите, но во следните месеци потребите на индустријата за дополнителна помош ќе бидат од 70 до 80 милијарди долари, а доколку не ја добијат таа помош, нема да преживеат, изјави тој.
Со вториот бран на коронавирус, авиосообраќајот има големи потешкотии при рестартирање и авиокомпаниите ќе продолжат да трупаат долгови. Веројатно оваа година ќе имаат загуби од 100 милијарди долари, а не 87 милијарди колку што беше проценето претходно, рече Зунијак.
Запрашан за можна консолидација на секторот, шефот на ИАТА рече дека ќе биде потребно компаниите да имаат средства да се купуваат едни со други за секторот да се консолидира.
На долг рок, сепак тој проценува дека веројатно ќе има помалку фактори за банкрот и дека тие ќе бидат помали.
