Лидерите на 27-те земји-членки на Европската унија остро го осудија нападот во Ница и ја изразија својата „солидарност“ со Франција, повикувајќи на „дијалог меѓу заедниците и религиите“. Многу светски лидери и држави дадоа поддршка и солидарност со Франција.
“Ние силно ги осудуваме овие напади, кои исто така претставуваат напади врз нашите заеднички вредности. Ги повикуваме лидерите ширум светот да работат за дијалог и разбирање меѓу заедниците и религиите, а не за поделби”, се вели во заедничкото соопштение на ЕУ.
Déclaration conjointe des membres du Conseil européen sur les attaques terroristes en France: https://t.co/4jFcSsi1oz#EUCO #Nice pic.twitter.com/vPg1Ofc5UB
— Charles Michel (@eucopresident) October 29, 2020
Соопштението беше објавено на почетокот на видео-самитот на ЕУ, посветен на подемот на пандемијата со КОВИД-19.
Тие рекоа дека се „шокирани и тажни од терористичките напади во Франција“.
„Ние сме обединети и цврсти во солидарноста со Франција, францускиот народ и владата, во нашата заедничка и трајна борба против тероризмот и насилниот екстремизам“, се вели во соопштението.
Туниските власти отворија истрага за осомничениот
Туниските власти остро го осудија нападот со нож во црква во Ница во југоисточна Франција, додавајќи дека тие отвориле истрага по „сомневање“ дека напаѓачот е од Тунис.
Според извори блиски на истрагата во Франција, напаѓачот е млад мигрант од Тунис, кој неодамна пристигнал во Франција од Италија.
Трамп: Неприфатлив терористички напад
Американскиот претседател Доналд Трамп изрази солидарност со Франција по нападот во Ница, кој тој го опиша како „неприфатлив терористички напад“.
“Ние сме со Французите со целото срце. Америка е со својот најстар сојузник во оваа борба”, напиша Трамп на Фејсбук.
Американскиот претседател оцени дека „сите терористички напади од радикални исламисти“ треба веднаш да завршат.
„Ниту една земја, било да е Франција или која било друга, повеќе не може да ги толерира (нападите)“, пишува Трамп.
Папата рече: Да се гледаме како браќа и сестри
Папата Франциско се молеше за жртвите од нападот во римокатоличката базилика во Ница и повика на ставање крај на „терористичкото“ насилство.
Папата изрази солидарност со католичката заедница во Франција.
Франсис рече дека луѓето треба да се гледаат едни со други повторно како браќа и сестри, а не како непријатели.
(ВИДЕО) Хорор во Ница три луѓе се убиени, а повеќе ранети во терористички напад
