Повредата на Фабињо не е толку сериозна како што првично се сметаше. Според „Мирор“, Бразилецот, кој е натоварен за тешката задача да ја смени позицијата на теренот и да го замени повредениот Виргил ван Дајк, може да се врати по паузата за репрезентациите.
Фабињо се здоби со повреда за време на мечот со Митјиланд во вторникот и го напушти Јирген Клоп со само еден силен централен дефанзивец од првиот тим и неколку млади момчиња без многу искуство кои мораат да ја пополнат празнината. Стравувањата беа дека Фабињо може да има прекин на тетивата од 3-ти степен што ќе го оневозможи играчот до шест месеци. Вчера, сепак, Бразилецот беше подложен на скенирање, што покажа дека прекинот е прв или втор степен.
Дури и да се покаже како точно позитивно предвидување, тоа сепак ќе значи дека Фабињо ќе ги пропушти следните три натпревари на Ливерпул, од кои едниот е особено важен. Ова се судирите со Вест Хем, Аталанта и Манчестер Сити.
За мечот со „чеканите“, Клоп веќе изјави дека нема да ризикува да биде вклучен Џоел Матип, кој се опоравува од друга повреда. Сепак, надежта е дека ќе биде на располагање на следните два натпревари. Една можност е капитенот Џордан Хендерсон да започне во центарот на одбраната покрај Џо Гомез. Другиот е стартер да биде 19-годишниот Рис Вилијамс, кој го замени Фабињо против Митјиланд и се претстави добро. Натаниел Филипс е исто така опција, бидејќи тој има повеќе искуство од Вилијамс.
