Девизниот курс на доларот на светските девизни пазари падна минатата недела во однос на најзначајните светски валути, осми пат по ред, најдолгиот период на негов пад за една деценија, што резултираше со многу полоши перспективи за опоравување на американската економија во споредба со другите големи економии.
Индексот на доларот DXY, што покажува движење на американската валута во однос на другите шест најважни светски валути, падна за 0,3 проценти минатата недела, на 93.184 поени.
Пад од осум недели по ред е најдолгиот период на пад на американската валута од јуни 2010 година, бидејќи инвеститорите продолжуваат да го повлекуваат капиталот во долари и да купуваат валути на оние економии кои во моментов се справуваат подобро со пандемиската криза од САД.
Тој индекс падна во март на највисокото ниво за три години за дури 9 проценти, а само во јули беше со загуба од 4 проценти.
– Факт е дека коронавирусот во САД претставува најлоша епидемија во однос на секоја споредлива економија, а тоа се должи на недостаток на управување со кризи од страна на американските власти. Избувнувањето на епидемијата создаде многу полоши изгледи за американската економија во однос на другите големи економии – рече Ранко Берих, шеф на аналитичарите во „Монекс Европа“.
И доцнењето во договорањето за новиот пакет фискален стимул за американската економија, вреден меѓу 1.000 и 1.500 милијарди долари, им штети на изгледите на доларот, посочуваат аналитичарите.
Доларот зајакна 0,65 проценти во однос на јенот минатата недела, на 106,59 јени, што е најголем неделен пораст за два месеци.
Во исто време, еврото се зголеми за 0,48 проценти во однос на доларот, завршувајќи ја неделава на 1.184 американски долари, забележувајќи добивки во однос на американската валута осма недела по ред, пренесува „SEEbiz“.
