Ханс Јорген Михаел Селберг е медицински техничар од Шведска и веќе четврти ден им помага на нашите здравствени работници во Инфективната клиника.
“Тој веднаш се вклопи во работниот процес. Среќен сум што Јорген еден месец ќе работи во оваа установа и ќе им ги пренесе сите свои искуства во третманот со ковид пациенти. Во овие изминати месеци кога целиот свет се соочува со здравствена криза, благодарен сум за неговата солидарност и желбата да ни помогне. Се надевам дека ваквите иницијативи за меѓусебно помагање ќе продолжат и во иднина“ на фејсбук напиша министерот за здравство, Венко Филипче.