Трета американска компанија објави резултати од тестот кои покажуваат дека вакцината против коронавирусот е безбедна и предизвикува имунолошки одговор.
Компанијата Novavax, Inc. објави податоци во вторникот дека во првата фаза 131 доброволец кои примиле по две дози на вакцината развиле неутрализирачки антитела на ниво повеќе од четири пати повисоко од антитела развиени кај луѓе кои се опоравуваат од Ковид-19.
„Тоа е добро. Тоа е навистина охрабрувачки“, рече претседателот на Новавакс, Др. Грегори Глен.
Вакцината исто така предизвика одговор од Т-клетките, еден вид на имунолошки клетки.
Извештајот беше испратен во медицински журнал, но сè уште не е разгледан од научници надвор од Новавакс, ниту е објавен.
Учесниците во студијата, 16 од нив, примиле две дози на вакцината во различни дози, со и без додатоци – компоненти за зајакнување на имунолошкиот систем.
Од 126 лица кои ја примиле вакцината, пет развиле сериозни несакани ефекти, вклучувајќи болки во мускулите, гадење и болки во зглобовите, а едно лице имало лесна треска. Несаканите ефекти траеле во просек од два дена или помалку.
Дваесет и пет волонтери добија инјекции со плацебо. Три од нив имаа несакани ефекти, рече Глен.
